Ubutaka bwo ku nkombe z’ibiyaga n’imigezi ni umutungo rusange wa Leta, ntawemerewe kubukoresha atabiherwe uruhushya na Ministeri y’Ibidukikije

Minisiteri y’ibidukikije n’Ikigo cy’Igihugu cyo Kubungabunga Ibidukikije (REMA) bari gukora ubukangurambaga bugamije kwibutsa Abaturarwanda bose ko bitemewe gushyira ibikorwa mu butaka bufatwa nk’ubuhumekero bw’ibiyaga n’imigezi, kuko ari umutungo rusange wa Leta.

Ubutaka buri muri metero 50 uvuye ku nkombe z’ibiyaga na metero 10 uvuye ku nkombe z’imigezi buri mu mutungo rusange wa Leta, hashingiwe ku iteka rya Minisitiri N°007/16.01 ryo kuwa 15/07/2010 rigena uburebure bw’ubutaka ku nkombe z’ibiyaga n’imigezi bushyizwe mu mutungo rusange wa Leta.

Itegeko N°48/2018 ryo kuwa 13/08/2018 rigenga Ibidukikije mu ngingo yaryo ya 42, rivuga ko bitemewe gushyira ibikorwa by’ubuhinzi cyangwa inyubako mu butaka buri muri izo metero.

Minisitiri w’Ibidukikije Dr. Jeanne d’Arc Mujawamariya avuga ko “Nta bikorwa cyangwa inyubako byemewe ku butaka buri muri iyo ntera, kereka ibikorwa bigamije kubungabunga inkombe z’ibiyaga n’imigezi, cyangwa ibindi bikorwa byemewe na Mnisitiri w’ibidukikije, kandi bigaragara ko ibyo bikorwa bitangiza ibidukikije, kandi hakaba habanje gukorwa inyigo y’isuzumangaruka (Environmental Impact Assessment) ku bidukikije”

Ubutaka bushyizwe mu mutungo rusange wa Leta buvugwa muri iryo teka bufatwa nk’igice gikomye. Umuyobozi mukuru w’Ikigo cy’Igihugu cyo Kubungabunga Ibidukikije (REMA), Juliet Kabera, avuga ko “inkengero z’ibiyaga n’imigezi iyo zitabungabunzwe neza, bigira ingaruka nyinshi zirimo ihumana ry’amazi y’ibiyaga n’imigezi biturutse ku bikorwa bya muntu bikorerwa mu nkengero za yo, ndetse no kwangirika k’urusobe rw’ibinyabuzima (inyamaswa n’ibimera) biba mu mazi y’ibiyaga n’imigezi no ku nkombe za byo”

Inyigo yakozwe na REMA muri 2008, yerekanye ko u Rwanda rufite ibiyaga 101 n’imigezi 863 (harimo imigezi minini 747  n’imigezi mito 116) ibarirwa uburebure bw’ibirometero 6462.

Mu mwaka wa 2019 nanone REMA yakoze indi nyigo (Guidance for Rational Management of Lakeshores Towards Sustainable  Development in Rwanda), hagamijwe kwerekana uburyo ubutaka buri muri metero 50 uvuye ku biyaga bwakoreshwa mu kubibungabunga, ariko nanone Minisiteri y’Ibidukikije ibanje kubitangira uruhushya kugira ngo ubwo butaka bukoreshwe neza.

Ni inyigo yakorewe ku biyaga bya Kivu, Mugesera, Muhazi Rweru na Burera ikaba igaragaza inkombe z’ibiyaga zikwiye kubungabungwa mu maguru mashya hagendewe ku nkombe zifite ibishanga, izifite ubutaka buhanamye bushobora gutwarwa n’isuri, ndetse n’izifite ubutaka bworoshye.

Inkombe z’ibiyaga, nk’uko byagaragajwe n’iyo nyigo, ni ibice bibangamiwe bikeneye kubungabungwa, gukorerwaho ibikorwa by’ubushakashatsi, cyangwa ibikorwa bizamura imibereho y’abaturage ariko mu gihe Minisiteri y’Ibidukikije yabitangiye uruhushya

Ikigo REMA kirasaba ubufatanye bw’Inzego za Leta, Abikorera, Imiryango Itari iya Leta ndetse n’Abaturarwanda muri rusange, kurushaho kubungabunga no kurinda inkombe z’ibiyaga n’imigezi hagamijwe iterambere rirambye.

Whatsapp

Topics


More posts

Representatives from 26 Nations meet to exchange views and priorities for a treaty to end plastic pollution

Ministers and representatives from 26 Nations from around the world met on September 22, 2022 in New York on the sidelines of United Nations General…

Read more →

REMA’s DG joins a Roundtable Meeting at UNGA to discuss Circular economy

The Director General of the Rwanda Environment Management Authority (REMA), Juliet Kabera, on 20th September 2022, joined a roundtable meeting in New…

Read more →

REMA concludes a five-day Biodiversity and Environment Exhibition

The Rwanda Environment Management Authority (REMA) through the Biodiversity Finance Initiative Project has on 16th September 2022 concluded a five-day…

Read more →

Press Release: Countries aim to end plastic pollution by 2040

Today the Governments of Rwanda and Norway launch The High Ambition Coalition to End Plastic Pollution together with Canada, Peru, Germany, Senegal,…

Read more →

REMA’s Board of Directors conclude a three-day field visit in REMA projects’ intervention zones

Members of the Rwanda Environment Management Authority (REMA) Board of Directors have today 19th August 2022 concluded a three-day field visit…

Read more →

Prime Minister of Rwanda, Dr Edouard Ngirente, Officiates Nyandungu Eco-Park Unveiling

Rwanda’s Prime Minister, Dr Edouard Ngirente, today officiated the unveiling of Nyandungu Eco-Park. The event was held on the first day of the Africa…

Read more →

Nyandungu Eco-Park Opens to the Public

From a degraded wetland to an educational and recreational eco-park in the heart of Rwanda’s capital city, Nyandungu is now open to the public.

Read more →

Commonwealth Leaders Commit to Keeping 1.5 Climate Goal Alive

On the sidelines of the Commonwealth Heads of Government Meeting in Kigali, leaders from across the Commonwealth have committed to working together to…

Read more →

Green Amayaga Project steps up to improve communities’ livelihood in Rwanda’s Amayaga Region

The Rwanda Environment Management Authority (REMA) through the Forest Landscape Restoration in Amayaga Region (Green Amayaga) Project, has on 29th

Read more →